11-vjeçari Alvin Berisha mbërriti në Romë nga Bejruti, duke i dhënë fund kështu një sage të jashtëzakonshme për nxjerrjen e tij nga kampi Al Hol në Siri, aty ku jetonte i vetëm, e për t’iu bashkuar familjes babait e dy motrave, me banim në Itali.
Mungon vetëm e ëma e tij, ajo që e morri me vete në Siri nën zjarrin e luftës, ku më pas la jetën në të, duke lënë gjithashtu dhe Alvinin në mëshirën e fatit. Ishte media italiane ajo që solli rastin në publik, duke mundësuar një takim mes të voglit dhe babait të tij, që pati dhe anën dramatike, pamundësinë për t’u bashkuar.
Kjo ndodhi pak javë më parë, e tashmë që të dy janë bashkë. Në operacionin e lirimit të Alvinit kanë marrë pjesë dhe autoritetet shqiptare, ku vetë ministri Lleshaj ka disa ditë në Siri me forca speciale.
“Gëzim i jashtëzakonshëm që mundëm të sjellim vogëlushin Alvin përsëri në Itali, në krahët e familjes së tij. Duhet të punojmë më shumë për fëmijët e tjerë në Al-Hol dhe në fusha të tjera në Siri. Është një situatë komplekse, por nëse ekziston vullnet politik, mund të bëhet ”, shlroi Presidenti i Kryqit të Kuq italian Francesco Rocca. /tesheshi.com/
#Alvin è in Italia! Ora è tra le braccia del padre e delle sorelle. A breve il Presidente della #CroceRossa Francesco Rocca racconterà alla stampa i dettagli dell'operazione #UnItaliaCheAiuta pic.twitter.com/uaIJ6MxaGc
— Croce Rossa Italiana (@crocerossa) November 8, 2019
