E përditshmja Vatikani njoftoi se po lançon një numër të ri mujor, kushtuar të varfërve dhe njerëzve në periferi të shoqërisë, jo vetëm me qëllimin për të treguar historitë e tyre, por edhe për t’i përfshirë në prodhimin dhe shpërndarjen e gazetave.
Numri i parë i të përmuajshmes “Street Observer” (L’Osservatore di Strada) do të botohet më 29 qershor, në festën e rëndësishme të Shën Pjetrit dhe Palit.
Titulli i botimit rrjedh nga emri i së përditshmes zyrtare të Vatikanit “Roman Observer” (L’Osservatore Romano).
Vatikani planifikon të shpërndajë botimin e ri brenda dhe rreth sheshit të Shën Pjetrit, të dielën e parë të muajit, pas bekimit të mesditës të kreut të Kishës Katolike Romake, Françeskut.
Ajo do të ndahet nga të ftuarit e një strehe aty pranë për të pastrehët e drejtuar nga një organizatë bamirëse katolike.
Nisma është dëshmi e prekshme e përpjekjeve të Papa Françeskut për t’i dhënë rëndësi grupeve të margjinalizuara si të varfërit, të pastrehëve dhe emigrantëve, si dhe organizatave vullnetare që i ndihmojnë ata.
Qëllimi është që ata të përfshihen në shkrimin dhe ilustrimin e tregimeve të tyre, dhe t’u sigurojnë atyre burimet për ta bërë këtë nëse është e nevojshme.
E përditshmja “Roman Observer” ka një tjetër numër mujor kushtuar grave, me titull “Gratë, Kisha, Bota”. /tesheshi.com/
