Një prift rus nisi të godiste një koleg ukrainas me kryq, pasi gjatë funeralit të një ushtari ukrainas,
Siç raporton revista Newsweek, prifti Mykhailo Vasiliuk nga Patriarkana e Moskës ka sulmuar një klerik ukrainas gjatë funeralit të ushtarit ukrainas Oleksandr Zinivy më 22 korrik.
Ushtari ukrainas vdiq pranë Mykolaiv-it.
Në videon përkatëse të postuar në YouTube, prifti rus i vërsulet klerikut ukrainas, Anatoli Dudko, me personel ushtarak që ndërhyn për ta larguar.
Aktivisti vendas, Serchig Tymkov, ishte i pari që postoi videon në Facebook, duke theksuar se kleriku ukrainas ka pësuar lëndime të lehta, komenton gazeta britanike The Sun.
“Për mendimin tim, incidenti kalon kufirin e arrogancës. Në bazë të asaj që kemi parë, kërkoj nga organet e rendit të sigurojnë rendin në çdo tubim ku ka konflikt”, tha Tymkov.
Pse prifti rus sulmoi klerikun ukrainas?
Sipas raporteve ukrainase, kleriku ukrainas Dudko zemëroi priftin rus pasi akuzoi publikisht presidentin rus Vladimir Putin se vazhdon të bombardojë Ukrainën.
Dudko thuhet se tha se Putini nisi luftën në Ukrainë pjesërisht për të mbrojtur besimtarët e Kishës Ortodokse Ruse, duke shkaktuar një reagim të ashpër nga prifti rus.
Agjencia ukrainase e lajmeve Vinbazar.com raportoi se autoritetet urdhëruan një hetim penal për këtë çështje. /tesheshi.com/
