Një ngjarje e rëndë dhe e pazakontë njëherësh ndodhi mbrëmjen e së shtunës në spitalin e Fierit, pasi aty brenda, në ambientet e Urgjencës, pasi të shtëna me armë e si pasojë një të plagosur. Ka qenë një sherr mes dy familjeve në Levan, që më pas është zhvendosur dhe në ambiente spitalore.
Shtetasi Gentian Zhapa dhe babai i tij, i pari i mbërritur i plagosur në spital e i dyti për të parë gjendjen e të birit, kanë qenë në shënjestër e rivalëve, ku nga këta të fundit, njeri ka mundur t’i rrëmbejë dhe pistoletën një polici, duke shtënë mbi Zhapajt.
Tashmë policia është në kërkim të dy personave, ndërsa ka të tjerët nën kontroll. Për orë të tëra, një gjendje tensioni dhe paniku mbizotëroi në ambiente spitalore, çka detyroi drejtoreshën Nevila Shake që të prononcohet dhe garantojë siguri.
“I gjithë spitali është në gatishmëri për të shpëtuar personat që janë në spital. Stafi po punon. Nuk ka vend për panik”, tha ajo. /tesheshi.com/
