Janë ca ngjarje e zhvillime të së kaluarës, të cilat, tej tragjizmit, duhet të jemi me fat që s’i kemi përjetuar sot, në kohën kur, dalja jashtë kontrollit e informacionit, prej rrjeteve dhe portalizimit të psiqikës njerëzore, e ka bërë botën më lëmsh, ku vështirë të dallosh realen nga virtualja, tw vwrtetwn nga gwnjeshtra, për keq ose për mirë, por më shumë për keq.
Imagjinoni një 97-të sot se ç’katastrofë e disafishtë do ishte, vetëm për shkak të çmendurisë informative në rrjete sociale apo portale, ku “Fake”-u hedh valle.
Ja vlen të kujtohet me këtë rast, që, mjaftoi një “Fake” në protestat e ububushme të Vlorës nën kuazën “Duam paratë tona”, atë të vrasjes së kush e di nga kush e për çfarë të Artur Rustemit, tw thwnw “nga SHIK”-ut prej kush e di se kujt nga turma, që mw pas të ndodhte një masakër me dy shikas tw shqyer.
E sot, bëhen 17 vjet nga tragjedia e 9 janarit 2004, ku dhjetra jetë shqiptarësh kryesisht nga veriu, u mbytën në ujrat e Jonit gjatë rrugës për në Itali.
Ishte koha e skafeve të famshme, një rrugë trafiku që zhvillohej nën dritën e hënës, por që mundej dhe në dritën e diellit. Ishte një “industri ikjesh” që kish nisur vrullshëm në 1998 e që zgjati deri në 2004.
Mirëpo, si në tragjedinë e 9 janarit, e si për çdo lajm a reportazh mbi ikjet njerëzore me skafe a gomone, askush nuk fliste për “ikje shqiptarësh” si sot.
I gjithë 9 janari e më pas, u pasua nga komente mbi gjithçka; trafiku, ku investoheshin të ardhurat prej tij, kush qëndronte pas skafit të mbytur, a mos bartte ajo dhe drogë, pazotësia e Rojeve Bregdetare për shpëtim etj., por assesi se shqiptarët po iknin, ndonëse, me një përllogaritje, mund të ishin po aq sa sot.
Eshtë ky një shembull se si, ndryshimi sot i konteksteve komunikative, për shkak të një “97”-te mediatike prej rrjeteve sociale dhe portalizimit të psiqikës njerëzore, problematika apo çështje që kanë ekzistuar në çdo kohë në të djeshmen, na shfaqen sot si të ndodhura për herë të parë.
Për këtë arsye, edhe përmbytjet e këtyre ditëve po përjetohen si “herë e parë”.
Por ka diçka për “herë të parë” sot: është një status i Metës për 9 janarin, ku në stilin e tij banal, e merr një ngjarje ku të jetë dhe nga të jetë dhe e kontekstualizon shëmtueshëm, siç është i gjithë komunikimi i tij publik, në të sotmen e luftës me Ramën.
“Mendimet dhe lutjet e mia janë sot për familjarët e viktimave të pafajshme të tragjedisë së 9 janarit 2004, të cilët humbën jetën në përpjekje për të gjetur një të ardhme më të mirë.
Të bëjmë gjithçka për të mos lejuar më të tilla tragjedi, që të përsëriten, duke u krijuar të gjitha mundësitë, në veçanti të rinjve, për të ndërtuar të ardhmen e sigurtë në Atdheun e tyre!”, shkruan njeriu në postin e kreut të shtetit.
Por kujtojmë, ikjet me skafe nën shoqërinë e vdekjes, ndodhnin dhe teksa ai ishte kryeministër. /tesheshi.com/
