Një ish-këshilltar fetar i Osama bin Ladenit, Ebu Hefs el-Mauritani, u është bashkuar muslimanëve në dënimin e sulmeve terroriste të ISIS-it, lajmëron Al Jazeera, duke i çmuar ato të jenë në kundërshtim me dogmat e Islamit.
“Islami e ndalon vrasjen e njerëzve të pafajshëm, pavarësisht në janë muslimanë apo jomuslimanë. Vrasja e civilëve dhe e njerëzve të pafajshëm është e papranueshme, dhe nuk ka të bëjë me xhihadin,” ka shpjeguar ai në intervistën për Al Jazeera-n.
Duke folur nga kryeqyteti i Mauritanisë, ai deklaron se ISIS-i e ka keqkuptuar Islamin, ashtu siç njerëzit në Perëndim mund ta keqkuptojnë Krishterimin. Mauritani shprehet kundër metodave të rekrutimit të përdorura nga ISIS-i, dhe e hedh poshtë pretendimin e el-Bagdadit për të qenë udhëheqësi i të gjithë muslimanëve. ISIS-i, sipas tij, nuk i përmbush kushtet dhe kërkesat e një kalifati.
Një ish-ideolog i El Kaedës, Mauritani u distancua nga grupi në gusht të vitit 2001, pasi nuk u pajtua me vendimin e Bin Ladenit për të vënë në shënjestër civilët, shpjegon rrjeti informativ Al Jazeera. A do të shkonte në Iran pas sulmeve të 11 shtatorit, ku i kaloi dhjetë vite në burg përpara se të ekstradohej për në Mauritani.
Në intervistën e tij ai e gjen fajin për shtrirjen e ISIS-it dhe te mbështetja e Perëndimit për Izraelin, për regjimet e korruptuara arabe, dhe për kundërrevolucionet pas Pranverës Arabe. /tesheshi.com/
