Pra pak ditësh, ai do linte mandatin e deputetit. Ishte parathënia e asaj që do vinte këtë të dielë: arrestimi me urdhër nga SPAK.
Tashmë, listës së emrave të pushtetit që kanë përfunduar pas hekurave iu është shtuar ish-deputeti socialist Jurgis Çyrbja, po ashtu dhe ish-drejtor Hipoteke në Durrës, kohë kur dyshohet se është implikuar në aktivitet të paligjshëm. Më saktë, dyshohet për lidhje me botën e krimit përmes komunikimeve në platformën e koduar SKY.
Një ndër personat e arrestuar bashkë me të është Ahmet Masha, i njohur edhe me nofkën “Meçe”, i cili rezulton me precedentë penale. Masha është kunati i vëllait të Çyrbjas
“Nisur nga interesi i madh i mediave ju komunikojmë se Policia e Shtetit ka ekzekutuar sot masen e sigurimit arrest ne burg të caktuar nga Gjykata e Posacme e Shkallës së Parë për Korrupsionin dhe Krimin e Organizuat ndaj shtetasit Jurgis Cyrbja, si i dyshuar për kryerjen e veprave penale të ‘Korrupsioni aktiv në zgjedhje’, parashikuar nga neni 328 i Kodit Penal; ‘Përkrahja e autorit të krimit’, parashikuar nga neni 302/1/2 të Kodit Penal si dhe ‘Tregtimi i sekretit shtetëror nga shtetasit’, parashikuar nga neni 295/1 i Kodit Penal. Nesër do të ketë një njoftim për shtyp me më shumë detaje”, thuhet në njoftimin për media.
Burime për mediat tregojnë se Çyrbja është i përfshirë në një çështje që lidhet me vitin 2016, gjatë kohës kur ai drejtonte Hipotekën e Durrësit. Ai dyshohet se ka favorizuar grupin kriminal të Emiljano Shullazit në përfitimin e pronave në këtë qytet. /tesheshi.com/
