Kryeministri Rama e ka bërë publike atë që paralajmëroi dy ditë më parë; faktet e reja nga e ashtuquajtura “Babale”, audio-përgjimin e famshëm ku opozita pretendon se në të është zëri i vëllait të minisitrit Xhafaj, Agroni.
Sipas Ramës, është vetë i akuzuari Fredi Alizotit ai që ka dekonspiruar filmin.
“Vëllai i ministrit në atë audio-përgjim është një aktor, më saktë një mjeran, i joshur për ta luajtur atë rol në këmbim të parave. Kur fola atë ditë, natyrisht që kisha konfirmimin nga një laborator shkencor ndërkombëtar. Për ndryshe nuk mund ta ndërmerrja atë hap. Por sot për fatin shumë të keq të Lulzim Bashës dhe të gjithë lehaqenieve të kazaneve politike e mediatike, nuk është vetëm analiza shkencore e laboratorit britanik që nxjerr audiopërgjimin e fabrikuar. Jo. Është vetë aktori i papaguar sipas premtimit të dhënë në emër të Lulzim Bashës që i ka dalë për zot zërit të vet në audio-përgjim”, ka deklaruar Rama, që minuta më pas përcolli dhe një status në Tëitter në adresë të rivalit politik në krye të PD-së.
“Nuk të vjen zëri dhe s’ke faj! E di dhe unë sa thellë je futur miku im po s’të ndihmoj dot. Nuk ecet me teatër se ja si vjen puna,del një aktor i papaguar e të nxjerr cullak!Po me kamerat e komisariatit si i bëhet(?)se aty as Taulanti as ai polici s’janë fare! Apo po fle ti tani?”, shkroi Rama.
Për shtetasin Fredi Alizoti, i cili flitet se është dhe kunati i Agron Veliut – Babales, ka tashmë një fletë-arrest të lëshuar nga Krimet e Rënda. /tesheshi.com/
