Në mënyrë krejt të papritur, nga i dërguari amerikan për Dialogun Richard Grenell vjen lajmi se ajo që s’u mundësua me 27 qershor do të ndodhë më 2 tetor, pra takimi Prishtinë – Beograd (udhëheqësit respektivë) në Uashington.
“Jemi të lumtur të njoftojmë se liderët e Kosovës dhe të Serbisë do të takohen në Shtëpinë e Bardhë për një bisedë në 2 shtator”, njoftoi Grenell në Twitter, pa dhënë asnjë njoftim të mëtejshëm se si u mundësua kjo.
Kujtojmë se anullimi i takimit të 27 qershorit, u duk qartazi si lëvizje europiane e realizuar nëpërmjet Speciales, e cila publikoi një aktakuzë për presidentin Thaçi, duke bërë që Dialogu, nga Uashingtoni të kalojë në Bruksel.
Për momentin kjo po ndodh. BE ka në dorë të gjithë procesin, duke mundësuar uljen në tavolinë të Vuçiçit, jo me Thaçin sigurisht, por me Hotin si kryeministër.
Nga ana tjetër, ky takimi i paralajmëruar i 2 shtatorit, vjen në kohën kur Prishtina me insistim kërkon që në procesin e Dialogut të përfshihet dhe SHBA. /tesheshi.com/
