Ish-kryeministri e ish-kreu socialist Fatos Nano, ka thyer heshtjen e tij dhe ka folur pikërisht këtë ditë votimesh unike, pa opozitën PD-LSI.
Pasi ka shkuar e hedhur votën, në një qëndrim të qartë edhe politik, ai është shprehur, me nentekst, se qëndron krah Ramës në këtë krizë të fundit.
“Jam në pozicionin që duhet. E njoh mirë këtë lloj opozite dhe jam i bindur se duke votuar sot ndihmojmë çlirimin e të ardhmes nga kthetrat e saj”, ka deklaruar Nano i intervistuar nga dritare.net.
Pasi i ka konsideruar legjitime zgjedhjet e kësaj të diele, Nano tha se “është koha të rreshtohemi hapur për progresin dhe qytetërimin, kundër primitivizmit tribal!”
“Të votojnë pa ngurrim, duke mos i hequr duart nga timoni europian i Shqipërisë!”, ishte mesazhi i Nanos, duke rezervuar një sosh dhe për popullin opozitar: “Të votojnë kundër lidershipit te vet, që iu ka mbyllur perspektiven konkurruese europeiste!”.
A mos është ky pozicionim i Nanos një ngjallje e ëndrrës së tij të kahershme për t’u bërë president, e kjo në një kohë që mazhoranca përgatit shkarkimin e Metës?
Përpjekja e fundit e tij për të kapur kreun e shtetit si një ambicie e karrierës së tij politike që në vitin 2012. Atë kohë ai trokiti në derën e Ramës, ku i fundit ia hapi por nuk pranoi që propozonte emrin tij nga PS për kreun e shtetit, pra njeriun që do pasonte Bamir Topin. Rama i la të kuptuar se ai mund të mbështeste, nëse dhe nga mazhoranca e kohës – PD, e merrte një “ok”. Kjo nuk ndodhi pasi Berisha zgjodhi Nishanin për president.
Ç’prej atëhere, Nano rreshti së kërkuari presidencën.
E sot siduket e sheh sërish në horizont një mundësi. Rreshtimi kah Ramës, njeroit që e promovoi dhe e futi në politike, mund të jetë një kalkulim politik për një “hyrje nga dritarja pasi doli nga dera”, kur nga PD e LSI-ja e sotme, humbi pushtetin në 2005-ën. /tesheshi.com/
