Presidenti rus Vladimir Putin bëri një vizitë të papritur në një bazë ruse në Siri, prej ku urdhëroi fillimin e tërheqjes së trupave të tij nga vendi i shkatërruar nga lufta.
TV shtetëror sirian njoftoi se presidenti Bashar al-Assad, u takua me Putinin në bazën ajrore Khmeimim në juglindje të Latakias të hënën në mëngjes.
Agjencia shtetërore e lajmeve e Rusisë Novosti përmendi Putinin duke thënë se “në përgjithësi, puna luftarake në këtë territor përfundohet me çrrënjosjen e plotë të terroristëve”.
Putin bëri ndalimin në Siri në rrugën e tij për në Egjipt, ku është planifikuar të takohet me Presidentin Abdel Fattah el-Sisi.
Si aleati kryesor i qeverisë siriane në luftë, Rusia filloi ndërhyrjen e saj në shtator të vitit 2015, pas një kërkese zyrtare nga qeveria siriane për ndihmë ushtarake kundër grupeve rebele.
Që atëherë, Rusia ka kryer kryesisht sulme ajrore kundër grupeve anti-qeveritare, duke përfshirë Koalicionin Kombëtar Sirian, Shtetin Islamik të Irakut dhe Levantin (ISIL), Frontin Nusra dhe grupeve të tjera rebele.
Përveç kësaj, edhe këshilltarë ushtarakë rusë dhe forca speciale të operacioneve janë të vendosur në Siri. Para intervenimit, përfshirja e Rusisë në luftë kryesisht kishte të bënte me furnizimin e ushtrisë siriane.
Disa nisma ndërkombëtare për përfundimin e luftës kanë filluar gjatë viteve, duke përfshirë përpjekjet për krijimin e katër “zonave të de-eskalimit” në të gjithë vendin, me Rusinë, Turqinë dhe Iranin si garantues.
Deri më sot, rreth 465,000 njerëz kanë vdekur në konflikt, dhe më shumë se 12 të tjerë sirianë janë zhvendosur. /tesheshi.com/
