Një ngjarje e rëndë ka ndodhur mbrëmjen e kësaj të shtune në Gramsh, në ish-Uzinën Ushtarake të atyshme, ku dy shtetas rusë dhe një shtetase ukrainase, kanë sulmuar rojet e uzinës duke u hedhur spraj kimik në fytyrë. Kjo pasi kanë tentuar të hyjnë në uzinë e janë përballur me rojet.
Nga SHISH ka dyshime se shtetasit rusë dhe gruaja e ndaluar janë agjentë të shërbimeve sekrete ruse.
Raportohet se prej ditësh ata janë parë t’i sillen rrotull uzinës, duke bërë dhe fotografi.
Ndërkohë, Ministria e Mbrojtjes doli me një deklaratë duke thënë se “Një incident ka ndodhur mbrëmjen e sotme në Uzinën ushtarake në Gramsh. Tre shtetas me pasaporta ruse dhe ukrainase kanë tentuar të hyjnë në uzinë.
Menjëherë kanë reaguar efektivët që ishin në ruajtje të uzinës, por gjatë përpjekjeve për t’i ndaluar 3 shtetasit e huaj janë lënduar dy ushtarakët tanë, të cilët janë nën kujdesin e mjekëve në spitalin e Traumës në Tiranë.
Shtetasit e huaj janë ndaluar nga autoritetet, ndërsa vijojnë hetimet për të zbardhur rrethanat e ngjarjes.
Gjendja shendetesore e dy ushtarakeve shqiptare është e stabilizuar”. /tesheshi.com/
