Ivana Trump vdiq një natë para se ajo duhej të shkonte me pushime në Cote d’Azur në St. Tropez, tha shoqja e saj më e ngushtë, raporton Mirror.
Nikki Haskell tha se ky do të ishte udhëtimi i parë i Ivanës që nga shpërthimi i COVID-19 në vitin 2020. Ajo shtoi se ish-gruaja e ish-presidentit të SHBA-së, Donald Trump, mezi dilte nga shtëpia që nga fillimi i pandemisë, sepse kishte frikë se mos infektohej me virusin.
Haskell tha se Ivana, e cila vdiq papritur nga një atak në zemër në moshën 73-vjeçare në apartamentin e saj në Neë York, më në fund ishte gati të udhëtonte përsëri. Ajo tha se “me të vërtetë po priste me padurim të shkonte në Evropë” dhe madje zbuloi se së fundmi ata kishin diskutuar për të udhëtuar nëpër botë së bashku.
Daily Mail shkruan se vdekja ka ndodhur vetëm pak orë para se ajo të kishte një takim në sallonin e flokëve.
“Ajo duhej të shkonte në St. Tropez. Supozohej të ishte udhëtimi i saj i parë që nga pandemia. Ajo kishte frikë se mos merrte virusin”, tha prezantuesja televizive amerikane për Page Six.
“Ajo ishte shoqja ime më e mirë. E takova natën që ajo takoi Donaldin. Unë as nuk mund t’ju them se sa fantastike ishte ajo, thjesht një shoqe e shkëlqyer dhe personi më mahnitës dhe frymëzues.”
“Ne po mendonim për një udhëtim rreth botës këtë janar. Thjesht nuk mund ta besoj”, tha shoqja e saj më e ngushtë.
Ivana Trump u gjet pa ndjenja në fund të shkallëve në apartamentin e saj në Manhattan, shkruan ABC Neës. /tesheshi.com/
