Një zjarr ka rënë në anijen turistike “Icon of the Seas”, më e madhja në botë.
Anija gjigante ishte në një port në Meksikë kur një zjarr i vogël shpërtheu të martën, raporton CNN.
Zjarri u shua shpejt, konfirmoi një zëdhënës i kompanisë administruese Royal Caribbean, duke shtuar se nuk kishte të lënduar dhe se ndikimi i përgjithshëm në anije ishte minimal. Të gjithë ekuipazhi janë të trajnuar për të trajtuar situata të tilla, thotë kompania.
“Ikona e deteve”, e cila është pothuajse 365 metra e gjatë dhe peshon 250,000 ton, ishte ankoruar në Costa Maya, Meksikë kur ndodhi incidenti. Anija humbi energjinë për pak kohë, por sistemi i energjisë rezervë u aktivizua menjëherë.
Gjatë incidentit, njoftimet në bord paralajmëruan pasagjerët për atë që po ndodhte, sipas kompanisë.
Përdoruesit e rrjeteve sociale raportuan në Facebook se kishte një ndërprerje të lehtë, por gjithçka u kthye shpejt në normalitet dhe udhëtimi vazhdoi.
Kjo anije e veçantë turistike mund të transportojë pothuajse 10,000 njerëz. Ka 20 kuverta, parkun e vet ujor, madje edhe një ujëvarë të brendshme prej 17 metrash…
