Për shkak të politikave të gabuara të pushtetit kriminal, Maqedonia humbi thuajse 100 milion euro mjete të pakthyeshme nga BE-ja për projekte infrastrukturore, kështu ka njoftuar sot Blagoj Bocvarski, kryetar i Komisionit për transport dhe lidhje dhe anëtar i Bordit Ekzekutiv të LSDM-së. Ai më tej shtoi se është e paimagjinueshme që një kilometër autostradë në Maqedoni të kushton më tepër se në vendet e BE-së.
“Pa u futur borxh qytetarët, 100 milion euro kanë mundur që të investohen në rrugë, hekurudha, ujësjellës, kanalizim, infrastrukturë. Në mënyrë shtesë, rrugët që janë nisur në vend me kreditë e huaja kushtojnë shumë shtrenjtë në krahasim me vendet tjera. Një kilometër autostradë në Maqedoni për momentin kushton shumë më shtrenjtë sesa një kilometër autostradë në vendet e BE-së, si Bullgaria, Kroacia, madje edhe Danimarka. Në Bullgari çmimi i një kilometri autostradë është rreth 2 milion euro, ndërsa në Maqedoni në llogaritë fillestare është rreth 7 milion euro. Ky është një dallim i madh dhe i pakuptueshëm. Parashtrohet pyetja se pse dallimi është aq i madh dhe ku përfundojnë ato para?”, pyeti ai. /tesheshi.com/
