Një 39-vjeçar është detyruar të pastrojë çdo ditë xhaminë për pesë muaj me radhë pasi nuk qe në gjendje të paguante gjobën e vënë nga një gjykatë në Stamboll.
Personi në fjalë kopjonte e shiste CD, dhe gjykata e dënoi atë me dhjetë muaj e dhjetë ditë burg, vendim i cili u kthye në një gjobë prej 6.000 lirash turke (2.210 dollarë). Por kur Fuat M. i lajmëroi autoritetet se nuk mund ta paguante as gjobën, gjykata zgjodhi që ai t’i shërbente komunitetit.
Dhe kështu, piratuesi i kompakt disqeve u gjend para alternativës për të pastruar një xhami pranë shtëpisë për çdo ditë nga katër orë, dy orë paradite e dy orë pasdite.
Shërbimi për komunitetin do të zgjasë pesë muaj e pesë ditë, por i dënuari është i kënaqur me ndëshkimin, i ngushëlluar me faktin se së paku po pastron një vend ku njerëzit mblidhen për të adhuruar Zotin. /tesheshi.com/
