Bashkimi Demokratik për Integrim, ka dalë nga kolaicioni qeverisës në Maqedoni. Vendimi i befasishëm dhe i pazakontë, është marrë nga kryesia e kësaj partie pas një mbledhjeje të jashtëzakonshme, zhvilluar pas skandalit të një audio-përgjimi mes deputetes Ermira Mehmeti dhe zv/kryeministrit Musa Xhaferi, dy eksponentë të kësaj partie, të cilëve iu publikua një bisedë me nota erotike.
“Kryesia e Bashkimit Demokratik për Integrim vendosi sonte që të tërheq të gjithë përfaqësuesit e vet aktual nga pushteti ekzekutiv i Republikës së Maqedonisë. Kryesia gjithashtu ka rikonfirmuar të drejtat statutare dhe ka rideleguar të gjitha kompetencat ekzekutive dhe vendimarrëse pranë kryetarit Ali Ahmeti për të vendosur mbi hapat e metutjeshëm të Bashkimit Demokratik për Integrim. Bashkimi Demokratik për Integrim gjithashtu njofton opinion e gjerë vendor dhe ndërkombëtar që do të rishqyrton politikat e veta në ditët në vijim”, është ky njoftimi i bërë në FB nga anëtari i kryesisë së kësaj partie, Artan Grubi. /tesheshi.com/
