E pabesueshme: Soreca, i paditur në SPAK

Aleanca për Teatrin ka bërë të paimagjinueshmen, ndonëse të përfolshmen, duke kallëzuar në SPAK ambasadorin Soreca.

Po pse? Nga bindja se Soreca ka diktuar në Kushtetuese vendimmarrjen për Teatrit. Sipas Aleancës, Soreca është takuar me kreun e Kushtetueses Vitore Tusha, por me hyrje-dalje nga një tjetër tjetër e institucionit, nisur nga dëshmia e një shoferi që e ka parë.

Bashkë më të është paditur dhe Veliaj.

“Aleanca kërkon nga SPAK, Fillimin e ndjekjes penale  për personat e kallëzuar prej nesh, z. Luigi Soreca dhe Erion Veliaj për  kryerjen e veprave penale“Korrupsioni aktiv i nëpunësve të huaj publikë”, parashikuar nga neni 244/a i Kodit Penal, “Korrupsioni aktiv i funksionarëve të lartë shtetërorë ose të zgjedhurve vendorë”, parashikuar nga neni 245 i Kodit Penal, “Ushtrimi i ndikimit të paligjshëm ndaj personave që ushtrojnë funksione publike” parashikuar nga neni 245/1 i Kodit Penal, “Shpërdorimi i detyrës”  parashikuar nga neni 248 i Kodit Penal, “Korrupsioni pasiv i personave qe ushtrojnë funksione publike” parashikuar nga neni 259 i Kodit Penal, “Korrupsioni pasiv i nëpunësve të huaj publikë”, parashikuar nga neni 259/a i Kodit Penal, “Korrupsioni pasiv i funksionarëve të lartë shtetërorë ose i te zgjedhurve vendorë” parashikuar nga neni 260 i Kodit Penal, kryer në bashkëpunim parashikuar nga neni 25 i Kodit Penal”, thuhet në njoftimin zyrtar. /tesheshi.com/