Thënia shqiptare “për inat të sime vjehrre shkoj e fle me mullixhinë”, është mishëruar së fundi te Tramp, si të qe dhe ai shqiptar në dobësi karakteri, sidomos politik.
Kështu, ish-presidenti e quajti veprimin e Putinit për të dërguar trupa në Ukrainë “të zgjuar” dhe s’rreshti në komplimenta për të.
Duke folur në një emision radiofonik të krahut të djathtë, Trump u pyet se çfarë mendonte për dërgimin e trupave të Putinit në Ukrainë.
“Unë pashë televizion dje, pashë se çfarë ndodhi dhe thashë: Kjo është e zgjuar”, tha Trump.
“Putini ka shpallur një pjesë të madhe të Ukrainës Ukrainë. Putini e ka shpallur atë të pavarur. Oh, kjo është e mrekullueshme. Kështu që Putini tani po thotë: Një pjesë e madhe e Ukrainës është e pavarur”, tha Trump.
“Unë thashë: sa i zgjuar është? Dhe ai tani do të shkojë atje dhe do të jetë një paqebërës. Është forca paqeruajtëse më e fortë… Ne mund ta përdorim atë në kufirin tonë jugor”, shtoi ish-presidenti amerikan.
Për pjesën tjetër të shfaqjes, Trump vazhdoi të lavdëronte Putinin dhe të nënçmoi pasardhësin e tij Biden.
“Duhet të thuash se është shumë e zgjuar. Dhe e dini se cila ishte përgjigja e Bidenit? Nuk pati asnjë përgjigje,” përfundoi Trump. /tesheshi.com/
