Fishekzjarret në një festë familjare, pasi u zbulua seksi i një fëmije të palindur, ishin shkëndija e parë e zjarreve në Kaliforninë Jugore, të cilat kanë shkrumbuar 2,800 hektarë dhe kanë detyruar shumë banorë të largohen nga shtëpitë e tyre, tha Departamenti i Zjarrfikësve të dielën.
Më shumë se 500 zjarrfikës dhe katër helikopterë luftuan me flakët në lindje të San Bernardinos, të cilat filluuan të shtunën në mëngjes, tha Departamenti i Pyjeve dhe Mbrojtjes nga Zjarri i Kalifornisë (Cal Fire).
Banorët e disa komuniteteve në zonë janë urdhëruar të evakuohen.
“Zjarri në El Dorado, pranë Oak Glen në Qarkun San Bernardino, u shkaktua nga një pajisje piroteknike që prodhonte tym dhe u përdor gjatë një feste për zbulimin e seksit të një fëmije,” shkroi Cal Fire në Tëitter.
Festat e zbulimit të seksit mbahen gjatë shtatëzanësisë, e ndodh që të shoqërohen nga fishekzjarret me shtëllunga rozë ose blu.
Me kushte të nxehta dhe të thata, Kalifornia ka pësuar një sezon veçanërisht të rëndë zjarri këtë vit, me më shumë se 1.6 milion hektarë të shkrumbuara deri më tani, duke përfshirë tre zjarret më të mëdha në historinë e shtetit.
Në Kaliforninë veriore, më shumë se 200 njerëz duhej të evakuhoeshin gjatë fundjavës pasi një zjarr i shpejtë pylli i kapi pranë Pishinës Mammoth në verilindje të Fresno.
Zjarri, i cili filloi në terren të pjerrët dhe të ashpër të premten, deri tani është përhapur në 45,500 hektarë, sipas të dhënave të Shërbimit Pyjor Amerikan, i cili e bën atë një nga zjarret më të mëdha.
Zjarri që përhapet me shpejtësi afër San Diego është përhapur deri më tani në 10,000 hektarë dhe ka shkatërruar 11 ndërtesa.
Temperaturat rekord gjatë fundjavës tre-ditore përkeqësuan zjarret tashmë të rrezikshme dhe nxorën në pah më tej zjarrfikësit e rraskapitur të Kalifornisë.
Temperaturat që arrijnë më shumë se 43 Celsius parashikohen të hënën për zonën e Los Angeles. /tesheshi.com/
