Kampionati Botëror fillon të dielën dhe disa nga kombëtaret janë në telashe të rënda.
Kështu, një nga përzgjedhjet është në një situatë ku nuk ka fanella për ndeshjen e parë.
Kombëtarja e Ganës rrezikon seriozisht të mos e luajë ndeshjen e parë të Botërorit me fanellat zyrtare për një arsye të çuditshme.
Konkretisht, ekspedita e përzgjedhjes afrikane ka mbërritur në Katar, dhe komplet pajisjet me fanellat janë harruar dhe tani praktikisht nuk kanë fanella për Kupën e Botës.
Federata e Futbollit të Ganës ka nisur të gjitha lidhjet e mundshme për të dorëzuar fanellat në Katar, por siç janë gjërat tani, vështirë se do të ndodhë deri në ndeshjen e parë.
Arsyeja kryesore është ngadalësia e postës së Ganës, ndaj skuadrës së Otto Addos me siguri do t’i duhet të kërkojë një zgjidhje alternative për ndeshjen e parë të Botërorit. /tesheshi.com/
