Anthony Mancinelli, berberi më i vjetër në botë, ndërroi jetë në moshën 108 vjeç.
Më parë në shtator, Mancinelli shënoi 96 vjet shërbim. Siç tha djali i tij Robert, ai kurrë nuk u tërhoq në pension dhe gjithmonë kishte pasion të bënte këtë punë.
Vitin e kaluar, Anthony hyri në Librin e Rekordeve Guinnes si berberi më i vjetër në botë.
Ai lindi në 2 mars 1911 në Itali. Ai emigroi në Shtetet e Bashkuara me prindërit e tij kur ishte 8 vjeç.
Në moshën 11 vjeç, ai filloi të punojë duke rruar mustaqe, e kështu bënte para për familjen e tij. Në moshën 12 vjeç, ai nisi punë me kohë të plotë.
Guinness shkroi:
“Z. Mancinelli lindi në Montemilone, Potenza, Itali. Kur ishte 8 vjeç, ai emigroi me familjen e tij në Shtetet e Bashkuara. Ai erdhi në Neë York më 12 shtator 1919. Babai i tij mbante gruan dhe tetë fëmijët me 25 dollarë. Në moshën 11 vjeç, Antoni filloi të punojë në dyqanin e berberëve. Në moshën 12 vjeç, ai filloi të punojë me kohë të plotë”.
Djali i tij Robert tregoi se babai “e donte punën e tij” dhe se “të gjithë e donin atë”. Ai pretendon se ka qenë i njohur në të gjithë botën.
Robert theksoi se Anthony kishte qenë i shëndetshëm gjatë gjithë jetës së tij dhe se ai ishte diagnostikuar me kancer këtë vit. Përkundër kësaj, ai nuk donte të dilte në pension.
Kur filloi të bëjë këtë punë, ai fitonte vetëm 25 cent. Pak para vdekjes së tij, shërbimi i tij kushtoi 19 dollarë. Ai punoi në dyqanin e berberëve Fantastic Cuts të vendosur në New Windsor.
Pronari i dyqanit, berberi Jane Dinezza i tha CNN:
“Ai është një legjendë. Një nga stacionet televizive më pyeti se kush do të punojë në vend të tij. Unë nuk mendoj diçka të tillë. E kush mund ta zëvendësojë atë?”
Ai deklaroi se kishte për qëllim ta mbante bosh karrigen që i përkiste Anthony-it, e jo t’ia dorëzonte atë dikujt tjetër. /tesheshi.com/
At 107 years old, Anthony Mancinelli is the world's oldest barber pic.twitter.com/uGIgYw1XjZ
— Vala Afshar (@ValaAfshar) October 20, 2018
