Lajme të rreme çuan në një minutë heshtje pasi një postim në Twitter thoshte se ish-kancelari i Austrisë, Franz Vranitsky, kishte vdekur.
Një ligjvënëse nga Partia Social Demokrate e Austrisë (SPÖ), e cila nuk është aktive në Twitter, u njoftua për postimin nga një kolege e cila i dërgoi një mesazh përmes aplikacionit WhatsApp, shpjegoi zëdhënësi i partisë për agjencinë gjermane të lajmeve – DPA.
Grupi parlamentar i SPÖ më pas bëri thirrje për një minutë heshtje në kujtim të ish-kreut të Partisë Socialdemokrate në mbledhjen e Komisionit për Çështjet Sociale.
Megjithatë, pak minuta më vonë, u vërtetua se lajmi për vdekjen e Franz Vranitsky-t ishte lajm i rremë dhe se ishte postuar në Twitter nga një llogari e rreme që dyshohet se i përkiste ministrit konservator të Bujqësisë, Norbert Totschnig.
Në mbledhjen e komisionit parlamentar ka vijuar sqarimi i nevojshëm dhe janë dhënë shpjegimet.
Franz Vranitsky ishte kancelar i Austrisë nga viti 1986 deri në 1997 dhe kreu i SPÖ nga 1988 deri në 1997. Ai festoi ditëlindjen e tij të 85-të në fillim të tetorit.
Sipas mediave të huaja, pas llogarisë qëndron italiani Tommaso Debenedetti, i cili ka “vdekur” personalitete të panumërta të internetit.
Dhe kujtojmë se Franc Vranitsky është një emër i njohur për opionin shqiptar, në fakt për atë që e kanë jetuar 97-ën edhe në rrafshin e zhvillimeve diplomatike, pasi ky poltikan e diplomat austriak ishte i ngarkuar nga institucionet e BE-së për të negociuar krizën shqiptare.
Atë kohë, Vranitsky u vendos në Hotel Rogner, duke zhvilluar takime të njëpasnjëshme me aktorët kryesorë të politikës shqiptare për gjetjen e zgjidhjeve të krizës që kishin shkaktuar fajdet. /tesheshi.com/
