Australia përjetoi ditën e saj më të nxehtë në histori të martën, sipas matjeve paraprake nga Byroja Australiane e Meteorologjisë (BoM).
Temperatura mesatare maksimale e ajrit në vend ishte 40.9 gradë Celsius, e cila zhvlerësoi rekordin e derimëtanishëm, regjistruar në janar 2013 me 40.3 gradë Celsius, sipas BoM.
“Temperatura po rritet. Më shumë se 45 gradë Celsius është regjistruar në pjesën më të madhe të brendshme të Australisë,” tha meteorologu i BoM, Diana Eadie.
Kushtet jashtëzakonisht të ngrohta të motit mund të zgjasin për tre ditët e ardhshme dhe rekordi i ri i temperaturës mund të mos zgjasë shumë.
“Këto nivele të nxehtësisë do të intensifikohen sot. Në jug dhe në lindje të Australisë parashikohet të ketë temperaturë prej tetë deri në 16 gradë mbi mesataren për këtë kohë të vitit,” shtoi Eadie.
Për shkak të nxehtësisë së lartë dhe thatësirës, Australia është përballur me një seri zjarresh për javë të tëra. /tesheshi.com/
