Pushteti i majtë me në krye një ish-antikomunist të “frikshëm” në 90-ës, kreu ritin e traditës politike të homazheve më 29 nëntor, në nderim të Ditës së Çlirimit, duke vënë kurora lulesh te Nënë Shqipëri, një vepër monumentale te Dëshmorët e Kombit që ka për autor babain e ndjerë të kryeministrit.
Kështu, Edi Rama me shpurën e tij të qeverisjes u përkul para atyre luftën e të cilëve do e kontestonte në stilin e tij në nisje të rrëzimit të regjimit komunist.
Por pas hyrjes në politikën aktive, duke u rreshtuar me PS-në, PP-në e reformuar nga Nano me emër të ri, Rama nisi të tregojë një “qasje të urtë” me ata që i ironizonte thekshëm, veteranët.
Ai ndryshoi narrativë për të djeshmen e luftës, duke e ndarë atë nga regjimi komunist që erdhi më pas, duke pretenduar se ëstë po ai antikomunist e ai antienverist që ka qenë. /tesheshi.com/
