E ka lënë këtë botë një ndër analisët më të njohur të shtypit e medias shqiptare, Andrea Stefani.
Ai vuante nga një sëmundje e rëndë prej kohësh, ku ndihej edhe mungesa në studiot e debatit.
Vdekja e tij ka ndodhur orët e pasdites në një spital në Itali, ku po merrte mjekim.
Andrea Stefani e nisi karrierën e tij si gazetar ekonomie në mesin e viteve `90, për t’u angazhuar më pas si analist politik. Vitet e fundit ai u angazhua në të përditshmen DITA.
Vdekja e tij vjen pas asaj të Gilman Bakallit, gjithashtu opinionist me emër dhe pedagog universitar.
Një vit më parë do ikte nga kjo botë dhe Gjergj Filipi, analist i njohur i çështjeve ekonomike, i cili mbante dhe postin e drejtorit të INSTAT-it. Vdekje tjetër e dhimbshme nga radhët e njerëzve të medias, ishte dhe ajo e Agim Nezës muaj më parë, gazetar e publicist. /tesheshi.com/
