Zafir Berisha deputet i NISMA për Kosovën, i cili u çregjistrua nga Komisioni Qendror i Zgjedhjeve për kandidat për kryetar të Prizrenit, i ka parashtruar disa pyetje shteteve të Kuint-it.
Përmes një postimi në Facebook, Zafa ka pyetur ndërkombëtarët se si funksionin ligji në shtetet e tyre dhe ç’përgjegjësi kanë organet si KQZ-ja në momentet që nuk e respektojnë ligjin.
Ambasadat e Shteteve të Kuintit në Kosovë, (SHBA, Britania e Madhe, Franca, Italia, Gjermania), i kanë bërë thirrje KQZ-së që të çregjistrojë kandidatët për zgjedhjet lokale, të cilët janë të dënuar.
“Pytje për ambasadorët e huaj në Kosovë, të shteteve të Kuintit!
A ndodh në vendet tuaja, që një organ ekzekutiv, si shebull KQZ-ja në Kosovë, që para dy ditësh, të votojë për zbatimin e ligjit, kur dihet se ligjet zbatohen nga të gjitha organet dhe qytetarët, që nga momenti kur miratohen në Kuvend ?
Në rastin konkret sipas praktikës së krijuar, a ka të drejtë KQZ-ja, të votojë për moszbatimin e ligjit, siç nuk e ka respektuar prej 10 vitesh?
Në vendet nga vini ju, a ka përgjegjësi ligjore dhe juridike për mosrespektim të ligjeve me vite të tëra, nga organet e caktuara siç është rasti i KQZ-së ?
Në vendet nga vini ju, çka ndodhur me organet dhe personat fizikë që përbëjnë këto organe, kur marrin rolin e organit ligjëvënës (në rastin tonë Kuvendit), a e llogaritni këtë si logjikë se ligji është si lastiku?”, shkruan Zafir Berisha. /tesheshi.com/
