Duke qëndruar në një dhomë me kamera që regjistrojnë lëvizjet e tij minutë pas minute, i forti i Kremlinit, Vladimir Putin, priti me durim dje Sulltanin e Bosforit, Recep Tajjip Erdogan, si pjesë e takimit të tyre në Teheran, komentojnë disa media.
Në imazhet pak para takimit të dy politikanëve në kryeqytetin iranian dje, Putin duket të jetë i jokomod.
Putini përjetoi atë që zakonisht u bën liderëve të tjerë, pasi ai ka zhvilluar një reputacion si një lider që vendos qëllimisht homologët e tij në pozitë të vështirë duke pritur, ndonjëherë disa orë para fillimit të bisedimeve.
Siç shihet edhe në videon përkatëse të postuar në rrjetet sociale, gazetarët kanë regjistruar momentin kur Putini hyri në sallë duke pritur që Erdogan ta ndiqte së shpejti. Por më kot. Me krahët e kryqëzuar, ai e zhvendosi peshën nga njëra këmbë në tjetrën dhe mrroli fytyrën për gati një minutë para kamerave derisa mbërriti presidenti turk. Përveç kësaj, ai po thithte faqet dhe më në fund i la duart të vareshin në shenjë padurimi, ndërsa Erdogan mbërriti dhe ata shkëmbyen një shtrëngim duarsh.
— Christo Grozev (@christogrozev) July 19, 2022
“Ato 50 sekonda që Erdogan e detyroi Putinin të priste, duke e ngulur sytë bosh para kamerave, tregojnë shumë për atë se sa shumë ka ndryshuar që nga Ukraina,” shkrioi në Twitter Joyce Karam, korrespondente për Lindjen e Mesme për grupin e medias National News.
Karam e quajti incidentin “hakmarrje të ëmbël” të Erdoganit, pasi Putini e ka lënë liderin turk në pritje të tij për rreth dy minuta para një takimi në 2020. /tesheshi.com/
