Reforma në Drejtësi startuar 3 vite më parë, pati këtë të hënë vendosjen e një “guri kilometrik”, më të rëndësishmin e saj; përzedhjen e tetëshes së prokurorëe që do përbëjnë SPAK-un, Prokurosinë Speciale, e cila pritet të rëzojë mitin negativ të pandëshkueshmërisë në politikë.
Ndaj aludohet se të një prej arsyeve të pështjellimit të politikës këto kohë, me një president të rebeluar nga qeverisë që e ka zgjedhur, e më tej ndaj ndërkombëtarëve, ka të bëjë pikërisht me krijimin e kësaj strukturë. Por për ironi, të 8 emrat e SPAK-ut përzgjedhur nga Këshilli i Lartë i Prokurorisë, duhet të dekretohen dhe bëjnë një betim të Presidenti, pra Meta, gjë që duhet të ndodhë pas afro 3 javësh, ku më pas bëhet ligjërisht aktive.
E nëse Meta do jetë gjer atëherë në krye të shtetit, ku është fjala pra për mesin e dhjetorit, a do nxjerrë yçkla kushtetuese? Burime pranë ndërkombëtarëve që asistojnë krijimin e SPAK-ut thonë se nëse kjo ndodh, reagimi do jetë tejet i fortë.
Sakaq, opozita zgjodhi ta shoqërojë këtë zhvillim me dy lloj akuzash: e para se krijimi i “AntiKÇK”-së po pengon krijimin e SPAK-ut, e pas krijimit (për koiçidencë në të njëjtën orë që Rama shpallte nismën e re anti-krim), akuza u devijua në “Rama po tenton të pengojë punën e SPAK-ut.
Po kush janë emrat e SPAK-ut?
Nis me Altin Dumanin, prokurorin e Apelit, mishërimin e deritanishëm të ndershmërisë në drejtësinë shqiptare, për të vijuar me: Arben Kraja, prokuror në Prokurorinë e Përgjithshme; Behar Dibra, prokuror në Prokurorinë e Krimeve të Rënda; Edvin Kondili, prokuror në Prokurorinë e Krimeve të Rënda; Elida Celami (Kaçkini) prokurore në Prokurorinë e Tiranës; Ened Nakuçi, prokuror në Prokurorinë e Krimeve të Rënda; Enkeleda Millonai, prokurore në Prokurorinë e Elbasanit dhe Klodian Braho, prokuror në Prokurorinë e Krimeve të Rënda. /tesheshi.com/
