Policia shqiptare e pranon se ka një rritje masive të kultivimit të kanabisit në gjithë territorin e vendit. Top-Channel ka arritur të sigurojë ntë dhëna zyrtare që flasin për nisjen e një monitorimi nga ajri, që para një muaji, nga ana e një avioni special të Interforcës italiane.
Dhe nga të dhënat e këtij monitorimi është mësuar se ka një rritje masive të kultivimit të hashashit për këtë vit.
Sipas statistikave zyrtare, janë asgjësuar rreth 725 mijë rrënjë kanabis, shifër kjo që ka tejkaluar edhe totalin e vitit të kaluar, kur gjithësej u asgjësuan rreth 690 mijë bimë, shkruan Top Channel.
Dhe sipas uniformave blu, gjasat janë që këtë vit numri total i bimëve të asgjësuara të kalojë shifrën prej 1 milion pasi sipërfaqet e mbjellja janë dyfishuar.
Ende nuk ka shpjegime nga ana e strukturave shtetërore, se si është e mundur që goditja e Lazaratit të mos sjellë asnjë efekt psikologjik parandalues në tentativën për të kultivuar drogë. /tesheshi.com/
