Shefi i negociatave me Serbinë, Avni Arifi ka bërë të ditur se me 26 shkurt do të zhvillohet takimi i radhës me palën serbe në Bruksel.
“Do të bisedohet për implementimin e marrëveshjeve të arritura, në të cilat ka pasur ngecje. Në shumicën e marrëveshjeve del se Kosova i ka kryer obligimet, ku secila marrëveshje është me rëndësi të implementohet. Shembull është marrëveshja për tabelat e veturave, ku për shkak të procedurave të tenderit të vonuara nuk kemi mundur t’i implemtojmë.
Më pas e kemi marrëveshjen për energji që është vitale, ku ne si qeveri konsiderojmë se marrëveshja e arritur duhet të implemtohet. Synojmë përmbylljen e dialogut, edhe arritjen e bazës për arritjen e marrëveshjes politike”, tha Arifi, në Komisionin për Punë të Jashtme.
Ai më tutje ka theksuar se po synojnë ta mbyllin dialogun në tërësi, dhe duhet të ketë sipas tij, zbatueshmëri të plotë për secilën marrëveshje veç e veç. /tesheshi.com/
