Shqipëria mbetet një nga burimet kryesore të trafikut të bimës së kanabisit në BE sipas raportit më të fundit të Europol. Rruga e Ballkanit mbetet rruga kryesore e hyrjes për pjesën më të madhe të heroinës së trafikuar në BE.
Megjithatë, ka pasur një zhvendosje të pjesshme në trafikimin e heroinës nga rruga e Ballkanit në rrugën e Kaukazit, ndërkohë që Maroku mbetet burimi kryesor i lëngut të kanabisit në BE.
Raporti nënvizon se tregjet e drogës mbeten tregjet më të mëdha kriminale në BE. Më shumë se 1/3 e grupeve kriminale që janë aktive në Europë, janë të përfshira në prodhim, trafikim dhe shpërndarje të llojeve të ndryshme të drogës. Tregu i drogës me pakicë në BE mendohet të ketë vlerën e të paktën 24 miliardë euro në vit. /tesheshi.com/
