Principi i laicitetit do të vijojë të jetë edhe në Kushtetutën e re turke të promovuar nga lideri i partisë islamike në pushtet, Recep Tayyip Erdogan. Lajmi është bërë i ditur dhe është siguruar nga vetë kryeministri Ahmet Davutoglu, i cili është munduar në këtë mënyrë të mbajë larg protestat e parlajmëruara për shkak të fjalëve të nxitura nga kreu i parlamentit turk, Ismail Kahraman.
“Në Kusthetutën e re që po pregatisim, principi i laicitetetit do të mbahet për të garantuar lirinë e besimit dhe për të siguruar që shteti të qëndrojë i baraslarguar nga të gjitha besimet fetare”, – ka deklaruar publikisht Davutoglu nga Ankaraja. “Karakteri laik dhe demokratik i shtetit nuk do të vihet në diskutim”, – shtoi ai.
Ditën e hënë që lamë pas, Kahraman foli për një Kushtetutë fetare, duke shkaktuar mjaft protesta nga ana e opozitës, e bindur se Partia për Drejtësi dhe Zhvillim (AKP) e Erdoganit po punon për islamizimin e Kushtetutës së vendit. Ka qenë një deklaratë e cila mblodhi mijëra njerëz në sheshe të ndryshme të qyteteve turke, të cilët protestuan kundër kësaj ideje. /tesheshi.com/
