Mbretëria e Bashkuar refuzoi të aktivizojë një urdhër-arresti evropian të lëshuar nga Spanja për ekstradimin e ish-anëtares së kabinetit katalanas Clara Ponsati, duke thënë se ishte “disproporcional me ligjin britanik”.
Ponsati, me banim në Skoci, është akuzuar në Spanjë për nxitje të popullatës kryengritëse dhe përdorim të paligjshëm të parave publike në 2017, kur u organizua një referendum i ndaluar për pavarësinë e Katalonjës.
Ndërkohë, drejtësia spanjolle lëshoi një urdhër-arresti evropian dhe për dy ish-anëtarë të qeverisë katalanase në Skoci dhe Belgjikë, të akuzuar në Spanjë për organizimin e referendumit për pavarësinë, të ndaluar nga Gjykata Kushtetuese Spanjolle .
Clara Ponsati, 62 vjeçe, ishte në krye të arsimit në qeverinë rajonale të Katalonjës, e kryesuar nga Carles Puigdemont, ndërsa Lluis Puig, 60 vjeç, ishte përgjegjës për kulturën dhe Toni Comin, 48 vjeç, ishte përgjegjës për shëndetin.
Pasi organizuan një referendum për pavarësinë e Katalonjës në tetor 2017, provincat autonome me një popullsi prej rreth 7.5 milion në Spanjën verilindore shpallën “Republikën e Katalonjës”, por e cila nuk u realizua.
Puig dhe Comin shkuan në Belgjikë në tetor 2017, aty ku ndodhet dhe Puigdemont, ndërsa Ponsati shkoi në Skoci, ku më parë kishte dhënë mësim në universitet.
Belgjika nuk pranoi të ekstradojë zyrtarët katalanas në maj 2018 për shkak të një parregullsie në një kërkesë të dërguar nga Spanja, pas së cilës gjykatësi Llarena tërhoqi urdhrin e tij të arrestit.
Për shkak të tërheqjes, gjykata skoceze liroi gjithashtu Ponsatin, i cila raportoi vullnetarisht në gjykatën lokale.
Por pasi tre javë më parë, Gjykata Supreme e Madridit dënoi 12 bashkëpunëtorët e tyre që mbetën në Spanjë, nëntë prej të cilëve morën nëntë deri në 13 vjet burg, gjykatësi Llarena lëshoi një urdhër të ri arresti, duke kërkuar të ekstradimit Puigdemontit.
Ai më pas kërkoi dhe ekstradimin e Puig, Comino dhe Ponsati.
Për Puigdemont, Puig dhe Comin, gjykata belge pritet të vendos javët e ardhshme. /tesheshi.com/
