E kërkon drejtësia, ku ndodhet Arben Ahmetaj?

SPAK zbarkoi një ditë më parë në Kuvend për çështjen e Arben Ahmetajt, për të cilin kërkon arrestim, por ish-qeveritari i fuqishëm socialist nuk ndodhet në Shqipëri. Kjo u konfirmua dhe nga avokati i tij. Vendndodhja nuk dihet saktësisht, por raportohet se telefoni për herë të fundit i ka pulsuar në Kanada.

Ahmetaj njihet ndër të tjera për ecejaket e tij nëpër vende të ndryshme edhe për arsye private, pos kur qe zyrtar i lartë shteti.

Ky është i pari rast vitet e fundi me zyrtarë të lartë nën akuzë kur ndërsa SPAK e shënjestron, i shënjestruari nuk ndodhet në vend.

Ahmetaj natyrshëm, kudo që të jetë, është “sy e vesh” në atdhe, në vendimmmarrjen e Kuvendit mbi të, nëse partia do ia heq apo jo imunitetin për t’i hapur rrugë arrestimit.

Nëse po, pritet të shihet nëse do ketë apo kthim të vullnetshëm në Shqipëri, për të përfunduar në qeli.

Në akuzat ndaj tij, më shumë se për vendimmmarrjen mbi inceneratorët, akuzohet për burime të paligjshme pasurie e fshehje të saj.

Ndërkohë, për Kreshnik Spahiun, Ahmetaj ndodhet në Kanada për azil politik. Po pse atje?

 “Në vendet e BE-së është e pamundur për të marrë azil politik, për këto vepra penale. Unë e kam me dyshim nëse Ahmetaj është në Kanada. Unë mendoj se Ahmetaj do të shkojë në vendet që nuk kemi marrëveshje ekstradimi. Unë e përjashtojë BE që ai të përfitojë azil politik, përfshirë dhe Britaninë e Madhe”, tha ai në një paraqitje televizive. /tesheshi.com/