Parlamenti grek ia mundësoi sërish qeverisjen kryeministrit Alexis Tsipras, i cili arriti të “mbijetojë” me anë të 151 nga 300 deputetët.
Tsipras e kërkoi vetë një votëbesim për qeverinë e tij pas dorëheqjes së ministrit të Mbrojtjes Panos Kamenos, i cili u largua nga koalicion me partinë e “Grekët e Pavarur”, kjo për shkak të marrëveshjes mbi emrin e ri të Maqedonisë.
“Unë ju kërkoj që të mbështetni qeverinë time”, tha kryeministri grek në fillim të debati parlamentar.
“Detyra ime patriotike është që të punojë për të hequr barrën e mosmarrëveshjes dhe për të forcuar rolin gjeopolitik të Greqisë në rajon, Ballkan dhe Mesdheun lindor”, tha Tsipras.
Mandati aktual për kryeministrin grek skadon në tetor. /tesheshi.com/
