Tashmë dihet se Facebook mbledh shumë të dhëna nga përdoruesit e tij. Sidoqoftë, ja një fakt më pak i njohur: Facebook jo vetëm që i kontrollon përdoruesit e tij aktivë, por edhe ata që nuk kanë fare llogari.
“Brightside” mblodhi disa informacione se si funksionon kjo dhe çfarë duhet të bësh për ta parandaluar “vëllain e madh” nga të përgjuarit ty.
Çfarë u shërben atyre përgjimi im?
Së pari atyre u ndihmon të krijojnë marketing shumë efikas. Vegla Tracking web activity i mundëson Facebook që të mësojë preferencat e përdoruesit dhe, me ndihmën e kësaj, Facebook u shfaq atyre reklama që, me shumë gjasë, iu interesojnë.
Çfarë saktësisht dinë ata për ne?
Më shumë sa mendojmë – madje edhe gjërat që s’i kemi shfaqur. Preferencat e tua, adresa, numri i telefonit, edukimi, të ardhurat, shpenzimet – të gjitha këto ata i marrin nëpërmjet teje dhe analizave të aktivitetit të shokëve të tu në internet. Veç kësaj, fshirja e llogarisë s’do të të ndihmojë, ngase të dhënat tua do të qëndrojnë në databazë thuajse përgjithmonë.
Facebook i kontrollon edhe ata që s’kanë llogari
Një studim i publikuar nga Komisioni Belg për Siguri Private tregoi se Facebook i përgjon faqet që janë vizituar edhe nga përdoruesit që kurrë s’kanë krijuar ndonjë llogari në rrjete sociale.
Kjo është e mundshme, falë fajllave “cookie” dhe “social network plugins” – për shembull, butoni “like” që gjendet pothuajse në të gjitha faqet e njohura. Sidoqoftë, hulumtuesit thonë se përgjimi mund të ndodhë pa ndonjë lidhje me shërbimet e Facebook.
Si mund të mbrohem?
Nëse je përdorues i Facebook, ja një udhëzim për mbrojtje nga Specialisti për analiza të të dhënave Vicky Boykis:
– Mos posto shumë të dhëna personale.
– Mos posto fotografi të fëmijëve tu, e sidomos kur ende s’e kanë arritur moshën që mund të japin miratimin.
– Çaktivizohu nga Facebook kur mbaron punë me të, ose ndaji shfletuesit kur hyn diku tjetër.
– Përdor bllokuesit e reklamave – ad blockers.
– Mos instalo Facebook Messenger në telefonin tënd. Në vend të kësaj përdor website-n përmes shfletuesit.
Këto rekomandime nga Business Insider do t’i hynin punë të gjithë përdoruesve të internetit:
– Në iPhone apo iPad, hyni Settings > Confidentiality > Advertising, dhe shtypni opsionin Limit Ad Tracking;
– Në pajisjet Android, hyni në Settings > Google > Ads Settings dhe çkyçni Ads Personalization.
– Në shfletuesin Google Chrome (apo në cilindo – metoda është e ngjajshme), hapni Settings > Show advanced settings > Privacy, dhe kontrolloni kutinë që thotë Send a “Do Not Track” request with your browsing traffic.
Nuk eksizton ndonjë ligj që do t’ua ndalonte këtyre organizatave përgjimin, por Facebook dhe disa kompani të tjera kanë nënshkruar një marrëveshje zotimi që do të respektonte mosgatishmërinë e përdoruesve për të qenë nën vëzhgim. /tesheshi.com/
