Kanosi me armë dhe pastaj e aksidenton me makinë një të ri, arrestohet 25 –vjeçar Liars Alisha. Ngjarja ka ndodhur në Cërrik, në vendin e quajtur “Kryqëzimi i Yllit”, ku i arrestuari dyshohet të ketë kanosur me armë zjarri pistoletë, shtetasin A.K., 23 vjeç banues në Cërrik.
Sipas policisë, më pas shtetasi Liars Alisha në aksin rrugor Cërrik – Belsh, në afërsi të një karburanti duke drejtuar mjetin tip BMV me targa AA 231 ML, i pa pajisur me leje drejtimi është përplasur me mjetin tip Benz me targa BH 360 HT drejtuar nga shtetasi A.K.
Si pasojë është aksidentuar drejtuesi i mjetit tip BMV dhe pasagjeri i tij shtetasi L.F., 27 vjeç banues në Cërrik. Të dy shtetasit ndodhen nën kujdesin e mjekëve në spitalin Kirurgjik Elbasan, jashtë rrezikut për jetën.
Nga veprimet hetimore, gjatë kqyrjes së vendit të ngjarjes në aksin rrugor Cërrik – Belsh u gjet dhe u sekuestrua në cilësinë e provës materiale; një fishekë model 54 kalibër 7.62 mm dhe dy automjetet.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën “Shkelja e Rregullave të Qarkullimit Rrugor”, “Drejtimi i automjetit pa dëshmi”, “Kanosja” dhe “Prodhimi dhe mbajtja pa leje e armëve luftarake dhe” parashikuar nga nenet 290, 291, 84 dhe 278 të Kodit Penal. /tesheshi.com/
