Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ftoi presidentin serb Aleksandar Vuçiç dhe kryeministrin serb Albin Kurti në një takim urgjent në Bruksel për të gjetur një “zgjidhje evropiane” për çështjen e targave në veri të vendit, tha të premten zëdhënësi i Komisionit Evropian Peter Stano.
Qeveria e Kosovës ka njoftuar se nga e hëna e 21 nëntorit do të fillojë me gjoba për pronarët e veturave nga veriu i Kosovës që nuk kanë ndërruar targat serbe me ato të Kosovës.
Me afrimin e kësaj date, tensioni rritet dhe KE e quan atë “situatën më serioze” që nga viti 2013.
“Shpresoj që ai të vijë shumë shpejt që ta zgjidhim çështjen para 21 nëntorit”, ka thënë Stano.
Ai tha se për zgjidhjen e kësaj çështjeje po zhvillohen “diskutime diplomatike”, të cilat për arsye të kuptueshme janë konfidenciale.
Stano ka refuzuar të komentojë raportet e mediave në Kosovë se tashmë është arritur një marrëveshje bazuar në propozimin e të dërguarit special të BE-së për dialogun ndërmjet Kosovës dhe Serbisë, Miroslav Lajçak. /tesheshi.com/
