Google paguan 100 mijë dollarë për atë që arrin të hakojë laptopin “Chromebook”. Gjatë vitit të kaluar nuk kanë pasur asnjë tentim të suksesshëm për të hakuar “Chromebook” ndaj Google dyfishon shpërblimin.
Kompania Google shpesh jep shpërblime të ndryshme për personat që arrijnë të thyejnë kodet e sigurisë që ata vendosin në pajisjet e tyre. Por, siç duket siguria në laptopin “Chromebook”, që punon me sistem operativ Chrome, është aq e fortë sa ata këtë vit kanë vendosur të dyfishojnë çmimin e shpërblimit për atë që arrin të hyjë në ‘guest mode’.
Ekipi i sigurisë i kompanisë ka raportuar se gjatë vitit të kaluar nuk kanë vërejtur asnjë tentim për të hyrë ‘me dhunë’ në këtë kompjuter, kështu që, këtë vit ai që arrin me sukses ta thyejë sigurinë e Google, do të shpërblehet me 100 mijë dollarë. /tesheshi.com/
