Presidenti rus Vladimir Putin nuk ka reaguar ende ndaj vendimit të presidentit amerikan Joe Biden për të lejuar Ukrainën të përdorë raketa perëndimore me rreze të gjatë veprimi për të sulmuar Rusinë.
Putin nuk ka folur, por ai ka thënë në të kaluarën se çfarë do të ndodhë nëse SHBA-të lejojnë Ukrainën të përdorë armët e lartpërmendura.
Presidenti i Rusisë tha në shtator se Moska do ta kuptojë atë veprim si “pjesëmarrje të drejtpërdrejtë të vendeve të NATO-s në luftën e Ukrainës”. Ai shtoi se kjo do të ndryshojë vetë thelbin, pra natyrën e konfliktit.
“Kjo do të thotë se vendet e NATO-s, SHBA dhe vendet evropiane po luftojnë kundër Rusisë,” tha Putin.
Kujtojmë se presidenti amerikan Joe Biden miratoi përdorimin e parë të raketave ATACMS.
ATACMS është një sistem raketash balistike me rreze të gjatë, me precizion të lartë, me rreze veprimi prej 300 kilometrash, i cili mund të lëshohet nga platforma të lëvizshme si raketat HIMARS.
Këto raketa janë të dizajnuara për të sulmuar objektiva strategjikë të tillë si fushat ajrore, vendndodhjet e raketave tokë-ajër, forcat e artilerisë, zonat e furnizimit, grupet e komandës ose pikat e komunikimit.
Armët ka të ngjarë të përdoren fillimisht kundër trupave ruse dhe koreano-veriore në mbrojtje të forcave ukrainase në rajonin Kursk të Rusisë perëndimore, thanë zyrtarët.
Pak pas vendimit të Biden-it, edhe Britania e Madhe dhe Franca i dhanë dritën jeshile Ukrainës. /tesheshi.com/
