Shtatëdhjetë banorë dhe vetëm një fëmijë, ai Aron Anderson, 10 vjeç. Asnjë bashkëmoshatar nuk ka në ishullin skocez Skerries, dy vëllezër tashmë më të mëdhenj në moshë se ai dhe asnjë shok në shkollë.
Kjo është arsyeja pse Aron ka marrë titullin e ‘fëmijës më të vetmuar në botë’ dhe merr qindra letra çdo ditë nga çdo anë e planetit, nga fëmijë dhe persona që mundohen t’i bëjnë shoqëri.
Në këtë periudhë të vitit, korrespodenca në shtëpinë Anderson pritet të intensifikohet: rrjeti (interneti) është mobilizuar dhe do të dërgojnë tek ai një breshëri urimesh.
Djaloshi i vetmuar britanik, gjatë festave të fundvitit do të provojë ngrohtësinë e të gjithë botës, falë një fushate të nisur në sajtin Reddit, çka do të bëjë që tek ai të mbërrijnë me qindra kartolina.
“Është e çuditshme të mos kesh asnjë shok në klasë, por mua më pëlqen ishulli sepse mund të shkoj kudo me biçikletën time dhe në verë mund të notoj në det e të hidhem nga ura”,- thotë Aron për Telegraph./tesheshi.com/
