Mirënjohja e kafshëve me 4 këmbë kalon shpesh çdo limit të imagjinatës së njeriut. Shavi ishte një qenushe e vogël, e cila jetonte në rrugët e Rostrov, në Rusi. Disa muaj më parë ajo u përplas nga një shofer me makinë, i cili më pas u largua nga vendngjarja.
Kur dy kalimtarë e panë në rrugë, gjendja e saj shëndetësore ishte shumë e rëndë. Qenushja ishte gjysmë e ngrirë dhe dy këmbë të saj ishin të thyera. Dy shpëtimtarët e qenushes kanë bërë një apel online për të gjetur dikë që të mund të kujdesej për Shavin. 26 vjeçarja Nina Baranovskaya, vendosi të ndihmojë qenushin duke e mikpritur në shtëpinë e saj. Vajza është kujdesur për qenin, i cili as traumave të shumta, përfshirë edhe ato psikologjike, ka arritur të ecë pas disa javëve.
Pas disa kohësh, duke qenë se nuk mund ta mbante më në shtëpinë e saj të vogël, Baranovskaya ia besoi Shavin disa miqve të saj, të cilët jetonin rreth 300 kilometra larg banesës së saj. Vetëm disa ditë më pas, kafsha u zhduk.
Pas dy javësh ndodhi surpriza: vajza ruse ishte duke ecur në rrugë kur ndjeu se diçka e preku në këmbë. Ishte pikërisht Shavi, e cila kishte bërë mbi 30 kilometra për tu kthyer në shtëpi. Një udhëtim i gjatë, i cili ka zgjatur mbi një javë. Pas kësaj prove dashurie dhe mirënjohjeje, Baranovskaya vendosi të mbajë Shavin me vete dhe ka nisur të kërkojë për një shtëpi më të madhe, ku të ketë hapësira të mjaftueshme për të dy./tesheshi.com/
