Presidenti ukrainas Volodymyr Zelensky bëri thirrje për bisedime të drejtpërdrejta me liderin rus Vladimir Putin, duke thënë se kjo ishte “e vetmja mënyrë për të ndaluar këtë luftë”.
Presidenti ukrainas iu drejtua Putinit në një konferencë për shtyp:
“Ne nuk po e sulmojmë Rusinë dhe nuk planifikojmë ta sulmojmë atë. Çfarë dëshironi nga ne? Lëreni vendin tonë”, citohet të ketë thënë Zelensky nga The Guardian.
Duke iu referuar presidentit rus që pret liderët botërorë për tryezën tashmë të njohur, jashtëzakonisht të gjatë, Zelenskiy tha:
“Ulu me mua. Vetëm jo 30 metra larg si presidenti francez (Emmanuel Macron)”.
Ju kujtojmë se negociatat mes palëve ruse dhe ukrainase janë duke u zhvilluar aktualisht. Axhenda e delegacionit ukrainas është të bien dakord për një armëpushim të menjëhershëm dhe korridore humanitare në mënyrë që t’u mundësohet civilëve të largohen nga komunitetet në vijën e frontit.
Ai gjithashtu i bëri thirrje Perëndimit që të rrisë ndihmën ushtarake për Ukrainën, duke paralajmëruar se pjesa tjetër e Evropës do të kërcënohej nëse Rusia do të lejohej të përparonte.
“Nëse nuk keni fuqi të mbyllni qiellin, atëherë më jepni aeroplanët! Nëse jo, Zoti na ruajt. Pas Ukrainës vjen Letonia, Lituania, Estonia. Më besoni,” tha Zelenski në mesazhin e tij. /tesheshi.com/
