Fije të holla qelqi brenda fibrës optike, janë ato që shkencëtarët po hulumtojnë si mënyrë e re për të mbledhur të dhëna sizmike në vende si qendrat urbane ose akullnaja të largëta, shkruan portali i specializuar Seismosoc.org.
Sizmologu Zhongëen Zhan nga Instituti i Teknologjisë në Kaliforni përshkruan se si interesi po rritet për një përdorim të mundshëm të metodës së quajtur Ndjeshmëria Akustike e Shpërndarë (DAS)
DAS thuhet se funksionon duke përdorur përbërjet e brendshme të fibrave optike, si sensorë sizmikë përgjatë dhjetëra kilometrave kabllo. Ai dërgon valë lazer përmes kabllit dhe mbledh dhe mat “jehonën” e secilës valë.
Kur një fibër reagon nga ndryshimet në temperaturë, tension ose dridhje, të tilla si valët sizmike, një ndryshim në madhësinë, frekuencën dhe fazën e dritës lazer regjistrohet përmes një instrumenti DAS.
Sizmologët mund të përdorin këto ndryshime për të përcaktuar llojet e valëve sizmike që kanë trazuar një fibër.
Kjo mund të përdoret në një numër situatash, veçanërisht në vendet ku do të ishte shumë e kushtueshme për të krijuar një rrjet sizmik më të ndjeshëm ose më të dendur.
Zhan shprehet se industria e naftës dhe gazit janë udhëheqësit më të mëdhenj kur bëhet fjalë për metodën e re sepse ata përdorin kabllo për të ndjekur ndryshimet e lëngëta në fushat e naftës dhe në procese të ngjashme minerare. /tesheshi.com/
