Presidenti Meta ka ofruar një tjetër deklaratë të diskutueshme për formatin si kreu i shtetit, duke patur brenda saj dhe një lloj kërcënimi adresuar medias.
Në Durrës, aty ku dhe ai po përëndrohet duke qenë pas LSI-së së tij në garën zgjedhore, teksa ka pretenduar se vota mund të vidhet, lëshoi këtë mesazh: “I ftoj mediat gjithashtu të jenë mjaft transparente në këtë proces.
Është në të mirën e tyre. Duhet të respektojnë qytetarët dhe duhet të japin kontribut për atë që do të vijë nesër.
Të jenë të gjithë në rrethana lehtësuese në procesin e llogaridhënës që do të vijë nesër me hir apo me pahir për shkak të votës së qytetarëve”.
Këtë, Meta e tha pasi promovoi një nismë të tijën për denoncimin e shkeljeve zgjedhore.
“Ne duhet të denoncojmë hapur dhe pa asnjë hezitim. Për këtë arsye i kam hapur rrugë kësaj nisme për mbrojtjen e lirive dhe të drejtave themelore”, tha Meta. /tesheshi.com/
