Pavarësisht një përkeqësimi të lehtë të tregueseve të pandemisë, masat anti-COVID nuk ndryshojnë. Ky vendim u bë me dije nga Komiteti Teknik i Ekspertëve në daljen më të fundit para mediave.
“Komiteti i Ekspertëve mendon se megjithë këtë përkeqësim të lehtë, niveli i masave shtrënguese mbetet njësoj, masat shtrënguese i përgjigjen indikatorëve, tërheqim vëmendjen për zbatimin me rigorozitet”, tha kryetarja Mira Rakacolli.
Nga ana tjetër, Komiteti ka pranuar propozimet e Komitetit të Imunizimit, duke vendosur lejimin e aplikimit të dozës së tretë të vaksinës për personat mbi 60-vjecc dhe lejimin e vaksinimit e fëmijëve mbi 16-vjeç, si dhe me konsensusin e prindërve, tyre 12-15 vjeç që vuajnë nga sëmundje me ulje të imunitetit.
“Ne sugjerojmë që do vazhdojë të mbete prioritet mbulimi i popullsisë me dozën e parë dhe të dytë të vaksinës. Po ashtu vendosim që personat që janë mbi 60-vjeç të bëjnë dozën e tretëm, jo më herët se 6 muaj kur kanë bërë dozën e dytë, duke filluar nga data 1 nëntor. Fëmijët mbi 16-vjeç do të ftohen për t’i vaksinuar me konsensusin e prindërit. Do ftojmë për vaksinim edhe fëmijët 12-15 vjeç që kanë sëmundje me ulje të imunitetit”, theksoi Rakacolli. /tesheshi.com/
