Stërnipin i Heroit Kombëtar Isa Boletinit, Gazmend Boletini, kërkon që rivarrimi I eshtrave të Isa Boletinit të shtyhet për një kohë të tjetër më të përshtatshme. Këto komente i ka bërë Gazmendi me telefon për portalin ‘tesheshi’.
Ai ka sqaruar se pas shumë presioneve dhe keqkuptimeve që janë shkaktuar në opinion ka kërkuar që rivarrimi i eshtrave të gjyshit të tij, të shtyhet për një kohë tjetër më të përshtatshme.
Gazmendi ka shtuar: “për momentin gjendem në shtëpi në një mbledhje familjare, por këto ditë do të mbledhim gjithë familjen si në Kosovë ashtu edhe ata që i kemi në Shqipëri dhe do të marrim një vendim përfundimtar lidhur me vendin se ku do të rivarrosen eshtërtat e Isa Boletinit dhe bashkëluftëtarëve të tij”.
I pyetur nga portali ‘tesheshi’ se a keni hequr dorë nga rivarrimin e eshtrave të Isa Boletinit në Vlorë, Gazmendi as nuk ka mohuar as nuk ka pohuar por ka shtuar se pas takimit të familjes së gjerë do të sjellin një vendim, për momentin kërkojmë shtyrjen e rivarrimit të eshtrave të boletinve. /tesheshi.com/
