Në një speciale kushtuar fenomenit të prostitucionit në Shqipëri, realizuar me rrëfimet e disa prostitutave të dënuara, ka rezultuar se shumica e klientëve të tyre ishin prokurorë, gjykatës, nëpunës shteti, nganjëherë dhe politikanë.
Ishte gazetarja Anila Hoxha e cila në “Exclusive” në Top Channel, kishte marrë rrëfimet e tre të dënuarave për akuzën e prostituimit. Ato thanë se klientët më të zakonshëm të tyre ishin gjykatës e prokurorë.
Madje ndonjëri prej tyre edhe i kishte ndihmuar gjatë proceseve, duke qenë se gëzonte dhe statusin e klientit të së pandehurës.
Kjo nxjerr në pah dhe njëherë situatën alarmante ku ndodhet sistemi ynë i Drejtësisë, ku njerëz të saj frekuentojnë çerdhet e prostitucionit.
Veç aspektit të paligjshmërisë, aty përfshihet dhe degradimi moral e po ashtu korruptiv, pasi vështirë që paratë me të cilat blejnë seksin të jenë të ardhura nga pagat. /tesheshi.com/
