Në një zonë të Matit policia ka zbuluar gjatë orëve të pasdites të së enjtes një punishte gjigande droge, duke sekuestruar dhe një sasi rekord kanabisi, 3 ton e 132 kg. Por edhe kësaj radhe, operacioni nuk është finalizuar me njerëz nën pranga.
Më e rëndë në këtë ngjarje është fakti se sipas burimeve nga prokuroria, të implikuar në punishte rezultojnë të jenë dhe zyrtarë vendas të administratës shtetërore e gjithashtu efektivë policie.
Dhe kjo është pjesa më e rëndë e fenomenit “drogë” në Shqipëri.
Pak ditë më parë, u kap me sasi kanabisi vëllai i Robert Agës, shefit të Komisariatit të Dibrës, Pajtim Aga.
Ndërkohë që opozita prej kohësh e akuzon vetë shefin, Robertin, si të implikuar me kultivimin dhe trafikun e kanabisit në zonën e Dibrës.
Dhe paçka akuzave dhe rastit të arrestimit të të vëllait, prej këtij të fundit nuk ka asnjë reagim përgënjeshtrues. /tesheshi.com/
